صباح الخير ... شعر بالعامية المصرية
بقلم : أمل بركات
...................................
صباح الخير على عيونك
صباح الورد والياسمين
صباح البسمه بشفايفك
صباح ومعاه كل جميل
بدايته تملى مع نورك
لما تبصله بعنيك
وياخد من جمال روحك
يحلى الكون ده فى عيونى
يصحينى على ألحان
بتطلع من صدى صوتك
ودقة حب من قلبك
تبعت للهوى مراسيل
تقوله تعالى واتعلم
صباح الحب ياعيونى
صباح النور على الحلوين
بدايته مع كوباية شاى
معموله بحب من ايدى
تصحصح بيها وتروق
وتقول ده يوم عيدى
وكل يوم هيبقى عيد
طالما هتفتحله عيونك
واقولك فيه ......
صباح الخير على عيونك
.
.
.
تحياتي ....
أمل بركات
ليست هناك تعليقات:
إرسال تعليق