ماتت العزوة
.....................
سألت ستي عن عزوة
شالتها فى قلبها لشهور
وربّت لحد ما كبروا
وكانت لهم شعاع النور
وقالت بكره ياولادي
تكونوا سند لبعضيكم
ونار وجحيم على العادي
وتعمروا بولادكوا الدور
لجل مايبقوا فى يوم عزوة
تخضر الأراضي البور
وبيوتكم جنب بعضيها
تلالي ولا أحلى قصور
صدقتها وحفظت الكلمه
لحد مابقيت عروسه فى الزفة
والعزوه طلت فى الصباحية
وقولت صدقتى ياغالية
وجه العيد واستنيت
ما انا خلاص كده حنيت
ملقتش غير بابا حبيبي
هو بس من العزوة
وكفاية عندى وجوده
ده نوره بس بالدنيا
سألت عن عمي الغالي
قاللى يمكن مشغول
طب يا حبيبى فين خالي ؟؟
قاللى لا سفره يطول
وافتكرت موت ستي
ومعاها ماتت العزوة
..............
بقلم : أمل بركات
https://www.facebook.com/amal.barakat.904
https://www.facebook.com/amal.barakat.904
ليست هناك تعليقات:
إرسال تعليق